Самсунг отвори музеј на иновациите

Добивај вести на Viber

Корејскиот концерн за потрошувачка електроника Samsung Electronics Co. Ltd. отвори свој музеј на иновациите. Samsung Innovation Museum (S / I / M) е посветен на минатото, сегашноста и иднината на електрониката. Музејот, кој е лоциран во Свон, Кореја, им овозможува на посетителите да се запознаат со богатата историја на електрониката, почнувајќи од најраните електрични пронајдоци на Мајкл Фарадеј, Томас Едисон и Александар Бел, како и да  погледнат кон иднината и да научат повеќе за иновациите кои претстојат. Музејот на Samsung е уште еден обид на компанијата да го подобри својот имиџ , пишува технолошкиот блог Engadget . Компанијата на овој начин ја прослави и 45 -годишнината од основањето , забележуваат од своја страна The Verge . Samsung ја занемарува конвенционалната улога на музеите и претставува нешто друго : комбинација од традиционален музеј и изложбени сали , кои претставуваат некои од најиновативните моменти во технолошката историја. Музејот го одразува минатото и сегашноста во светот на технологијата и обезбедува поглед кон иднината - онаков каков што е дизајниран од Samsung - компанија која очајно сака да се смета за преседан , пишува уште The Verge . " Samsung Innovation Museum собра на едно место некои од вистинските историски ремек дела на иновациите во електрониката . Овие пронајдоци се атипични на технолошката основа , која ни овозможува да ги развиваме и подобруваме производите , кои денес го прават нашиот живот подобар " , изјави за време на отворањето О - Хјун Квон , заменик-претседател и извршен директор на Samsung Electronics , цитиран во соопштението . "Музејот им  овозможува на посетителите да видат каде сме тргнале, како и да  видат од каде ние во Samsung црпиме инспирација , за да продолжиме да создаваме производи , водечки во своите категории " . Саемот е со вкупна површина од 10 950 квадратни метри, сместено е на 5 спрата и е поделено на три изложбени сали, кои ги претставуваат минатото, сегашноста и иднината на електрониката. Во салите 1 и 2 посетителите можат да разгледаат повеќе од 150 историски експонати, додека во сала 3 се прикажуваат иновации од сегашноста и иднината. Во секоја сала е прикажана информација за изложените производи. Музејот располага и со сала за историјата на концернот. Таа се наоѓа на првиот кат и претставува корпоративната филозофија и историја на Samsung. Посетителите можат да научат повеќе за почетокот на компанијата, за надминати предизвици и за карактерот на "новата власт" што успешно ја трансформира компанијата, а и електрониката како индустрија. K.K.