Се отвори дупка на мост во Драчево
Објавено во: Македонија 10 Јуни, 2022
Центарот за управување со кризи по пријава од загрижен граѓанин ја известува јавноста дека на средината на мостот над Маркова Река пред скопската населба Драчево постои голема дупка.
Истата претставува опасност за безбедноста на возачите коишто се движат на овој потег. Известени се локалните власти и претпријатија, а пријавено е и во МВР.
Од страна на ЈП „Улици и патишта“ доцна синоќа дупката е обележена. Стручните лица процениле дека оваа дупка најверојатно ја нарушува статиката на мостот, а со тоа и безбедноста на граѓаните.