СЕ ПОМАГА НА ГОЛЕМО И ПРЕКУ ФЕЈСБУК: Волонтерите не ги оставија сами поплавените семејства

Добивај вести на Viber

Најбројни и најхумани. Секогаш тука да подадат рака за помош кога е најпотребно. Кој ако не самите граѓани.

Втора недела волонтери се на терен и помагаат за санација на штетите од поплавите, носат храна, намирници, облека ...од врата до врата. Несебично даваат се од себе барем за миг домаќинствата кои се најдоа на удар на невремето од минатата сабота да забрават на лошото што ги снајде и да им ја вратат надежта во животот откако за половина час изгубија се што заработија и од што живееа години наназад.

Благодарение на социјалните мрежи добра организираност вродува со плод.

На фејсбук, преку гупата „Хуманитарна помош за поплавените подрачја во Скопје“ , хуманитарни граѓани се распоредуваат, собираат помош и донации на два главни пункта во главниот град откаде после им ја разнесуваат на граѓаните погодени од невремето.

Гумени чизми, лекови, лопати, средства за дезинфекција ... сето тоа волонтерите го собираат преку оваа група.

Групата ја следат над 15 илјади граѓани и таму доставуваат помош а и се информираат каде , на кој му треба конкретна помош, бидејќи има куќи до кои се уште не стигнале надлежните а кои се уште пливаат во вода.

Голем дел од улиците се расчистени и проодни, меѓутоа реата и калта се уште стојат како потсетување на силното невреме кое однесе над 20 жртви.

На фејсбук групата волонтерите постојано ја ажурираат мапата на загрозени подрачја, а може да се прочитаа разни постови во кои се бараат лекови и душеци, се нудат плакари, бебешки креветчиња и пелени, сточна храна и слично за оние на кои им е потребно. П а доколку и вие сакавте нешто да донирате лично на погодено семејство , може да се обратите и да добите конкретни информации преку оваа група.

Сето ова што го гледаме на терен преку организираноста пред се на млади луѓе, претставува надеж дека сепак има и солидарни граѓани кои несебично се тука да помогнат и ја враќаат солидарноста кај народот.