15 Октомври, 2024
0.0354

СЕПАК НЕ ДОБИЈА СИТЕ ГРЕЕЊЕ: Еве каде нема услови за испорака

Објавено во: Економија 15 Октомври, 2024

Добивај вести на Viber

Од денеска почна грејната сезона 2024/2025 за потрошувачите приклучени на системот за централно греење во Скопје, управуван од АД ЕСМ. Минатата грејна сезона во 225 објекти не беа обезбедени потребните услови за испорака на топлинска енергија, сега тој број е двојно помал, односно во 96 објекти сè уште не се обезбедени услови за испорака, информираат попладнево од ЕСМ.

- Од нив, во 57 објекти има дефекти во внатрешната инсталација, во 20 објекти нема пристап до топлинските станици, а во 19 објекти - топлинските станици немаат електрично напојување. Потрошувачите и заедниците на сопственици се замолуваат што побрзо да ги отстранат дефектите на внатрешните грејни инсталации и да обезбедат непречен пристап до топлинските станици, како и континуирано напојување со електрична енергија. Ова вклучува плаќање на сметките за електрична енергија за топлинските станици и одржување на функционална електрична инсталација, се истакнува во соопштението.

Потенцираат дека оваа година, првпат споредбено со претходните години, се бележи најнизок број затворени објекти на почетокот на грејната сезона. 

- Ова се должи, пред сè, на соработката од страна на потрошувачите и заедниците на сопственици, како и на заложбата на новите раководства на компаниите основани од АД ЕСМ, особено ЕСМ дистрибуција, што имаше клучна улога во продуктивната и постојана комуникација со корисниците, се додава во соопштението.

Се советува пред да се пријави дефект или рекламација во Центарот за грижа на потрошувачи, да се провери дали објектот е на списокот на моментално затворени објекти, што немаат услови за испорака на топлинска енергија. Листата, како што се посочува, е достапна на esm-snabduvanje.mk.

- Соработката на потрошувачите и заедниците на сопственици е од клучно значење за навремена и квалитетна испорака на топлинската енергија и во интерес на сите засегнати страни. За информации, пријави на дефекти или известувања за завршени интервенции, потрошувачите може да се јават во Центарот за грижа на потрошувачи на телефонските броеви 02 3076 200 и 075 400 100, велат од АД ЕСМ.

Испораката на топлинска енергија до потрошувачите ќе се врши во периодот од шест до 22 часот, „следејќи строго утврдени правила и дијаграми во зависност од атмосферските услови и надворешните температури“.

- Според овие правила, во октомври и првата половина од ноември, кога временските услови се променливи, снабдувањето со топлинска енергија ќе зависи од температурата на воздухот и атмосферските услови во различни периоди од денот. Притоа, доколку надворешните температури се пониски, се испорачува поголемо количество топлинска енергија и обратно, така што корисниците имаат обезбеден комфор и загреани домови согласно стандардите, односно температури во домовите не пониски од 20 односно 21 степен Целзиусов. Во исто време, со овие правила и дијаграми на испорака се обезбедува оптимална потрошувачка на топлинска енергија и минимални можни трошоци за греење на корисниците. При точно дефинирани одредени атмосферски услови, кога надворешните дневни температури ќе достигнат одредени гранични вредности, се врши прекин на испораката на топлинската енергија, односно системот за централното греење се исклучува, а веднаш по намалувањето на надворешните температури под определените вредности по направениот дневен прекин на испорака на топлинска енергија, кога надворешните дневни температури ќе се под одредени гранични вредности, се стартува со испорака на топлинска енергија, т.е. централното греење повторно се вклучува, посочуваат од АД ЕСМ.

Од вкупно 62.579 активни потрошувачи приклучени на централното греење преку ЕСМ, 61.486 се домаќинства, а 1.093 се деловни објекти и институции, додека околу 1.980 потрошувачи се снабдуваат преку подружницата ЕСМ-Енергетика.


Можеби ќе ве интересира

Инвестиции во обновливи извори на енергија и целосна гасификација – клучни чекори кон енергетската транзиција

Инвестиции во обновливи извори на енергија и целосна гасификација – клучни чекори кон енергетската транзиција

Божидар Јанковски планира јавна понуда на акции за „Дајнерс клуб Македонија“

Божидар Јанковски планира јавна понуда на акции за „Дајнерс клуб Македонија“

СЕ МЕНУВА ТОПТАН БОРДОТ НА ДИРЕКТОРИ НА ПРИЛЕПСКИ ТУТУНСКИ КОМБИНАТ - Владата ќе одбере нови повереници, имињата засега се во тајност

СЕ МЕНУВА ТОПТАН БОРДОТ НА ДИРЕКТОРИ НА ПРИЛЕПСКИ ТУТУНСКИ КОМБИНАТ - Владата ќе одбере нови повереници, имињата засега се во тајност

„ИМА ПЛАТА, СО ЗДРАВЈЕ ДА ЈА ТРОШИТЕ“: Директорот на „Национални шуми“ се пофали дека пуштиле плата на вработените за септември

„ИМА ПЛАТА, СО ЗДРАВЈЕ ДА ЈА ТРОШИТЕ“: Директорот на „Национални шуми“ се пофали дека пуштиле плата на вработените за септември

Продолжен викенд секоја недела, повеќето луѓе го сонуваат - во Хрватска станува реалност

Продолжен викенд секоја недела, повеќето луѓе го сонуваат - во Хрватска станува реалност

МОЖНО Е ЗАТВОРАЊЕ НА ФАБРИКИ: шефот на „Стелантис“ предупредува на напредувањето на конкуренцијата

МОЖНО Е ЗАТВОРАЊЕ НА ФАБРИКИ: шефот на „Стелантис“ предупредува на напредувањето на конкуренцијата

ЕВЕ ШТО ЗАПЛЕНИЛА ЦАРИНАТА: Помеѓу запленетите работи има лекови, злато и облека

ЕВЕ ШТО ЗАПЛЕНИЛА ЦАРИНАТА: Помеѓу запленетите работи има лекови, злато и облека

Нов рекорд на берзата! Кој ќе земе 1.985 евра дивиденда за акција?

Нов рекорд на берзата! Кој ќе земе 1.985 евра дивиденда за акција?

Извршители по трет пат „удрија“ по Пелагонија Енерџи

Извршители по трет пат „удрија“ по Пелагонија Енерџи