ШЕФОТ НА ОН: На пат сме кон „климатски пекол“, си играме руски рулет со планетата

Добивај вести на Viber

Шефот на ОН, Антонио Гутереш  вели дека светот е на „автопат кон климатскиот пекол“ затоа што планетата трпи 12 последователни месеци на невидена топлина. Рече дека си играме руски рулет со планетата. 

Секој месец од јуни 2023 година до мај 2024 година бил најтоплиот таков месец во светот досега, покажаа податоците на Коперник.  Секој месец од јули 2023 година бил најмалку 1,5 степени потопол од температурите пред индустријализацијата

„Дванаесетмесечната топлотна низа беше „шокантна, но не и изненадувачка“ со оглед на климатските промени предизвикани од човекот“, рече Карло Буонтемпо, директорот на Коперник. 

Тој предупреди дека ќе биде уште полошо. 

„Освен ако не се намали загадувањето од фосилните горива што ја затоплуваат планетата, „оваа низа најтопли месеци ќе биде запаметена како релативно студена“, изјави Гутереш за Си-Ен-Ен.

Коперник ги објави своите податоци истиот ден кога генералниот секретар на Обединетите нации Антонио Гутереш одржа страстен говор во Њујорк за климатските промени, критикувајќи ги компаниите за фосилни горива како „кумови на климатскиот хаос“.

Гутереш ги повика светските лидери брзо да ја преземат контролата врз спиралата на климатската криза.

foto freepik.com