Софија следи какви коментари има во Македонија, но засега нема да реагира

Добивај вести на Viber

Дебатите во Скопје се „за“ или „против“ ЕУ, велат од Софија. 

Бугарските власти ги регистрираа критиките во македонската јавност на бугарска адреса, но засега нема да реагираат за говор на омраза.

Експертот од бугарското Министерство за надворешни работи(МНР), Жељазко Радуков, вели дека по објавувањето на Протоколот меѓу двете земји и препораките на историчарите, во јавната дебата во Македонија се користат многу аргументи и псевдо-аргументи.

Објаснува дека коментарите кои беа упатени по објавувањето на Протоколот и препораките на Историската комисија се од лица кои не се во раководството на земјава и се насочени во внатрешно-политички контекст. 

„Ние внимателно го следиме ова прашање и ќе решиме дали и кога ќе реагираме, но не и во оваа етапа“, рече Радуков.

Тој изјави дека со Протоколот потпишан минатиот месец меѓу Бујар Османи и Теодора Генчовска почнал процес на враќање на довербата. Радуков очекува процесот да биде бавен, но вели дека првите чекори се охрабрувачки и двете држави засега ги исполнуваат преземените обврски.