ТЕХРАН ГИ ПРЕДУПРЕДИ АМЕРИКАНЦИТЕ: Ако се мешате во нашиот одговор кон Израел... (ВИДЕО)
Објавено во: Свет 13 Април, 2024
Како што пренесува американското издание Axios, повикувајќи се на американски претставници, Иран ги информирал арапските влади дека ќе ги нападне американските бази во регионот доколку Вашингтон интервенира по одмаздничките акции на Техеран против Израел, што ќе ги преземе како одговор на израелскиот напад врз иранскиот конзулат во Дамаск.
Според изданието, иранските власти им кажале и на владите на соседните арапски држави дека го сметаат Вашингтон за одговорен за израелскиот напад, и покрај обидите на САД да се дистанцираат од нападот.
Според проценката на американските разузнавачки служби, пишува Аксиос, Иран нема да ги нападне американските бази доколку тие не се вмешани со Израел во неговиот контранапад. Вашингтон верува дека Иранците бараат ограничен одговор кој нема да доведе до регионална ескалација.
Си-Ен-Ен претходно објави дека Вашингтон очекува Иран да погоди цели во Израел и дека неговите полномошници на Блискиот Исток би можеле да бидат вклучени во извршувањето на нападот.
Да потсетиме, израелските борбени авиони Ф-35 на 1 април извршија ракетен напад врз иранскиот конзулат во Дамаск, што според меѓународните правила беше еквивалентно на напад врз самата земја. Во нападот загинаа 13 лица, меѓу кои седум ирански воени советници, меѓу кои и двајца високи ирански генерали.
Фото: EPA-EFE/ABEDIN TAHERKENAREH
Можеби ќе ве интересира
УКРАИНА РАКЕТИРАШЕ СЕЛО ВО КУРСК: Оштетен е и важен објект
НА ЖЕЛЕЗНИЧКА СТАНИЦА ВО ИТАЛИЈА: Бездомник од Македонија е пронајден мртов
Русија влегува во пресметка со мигрантите: Новите мерки ја ограничуваат слободата, бракот и сопственоста
ВО КОЈ ЕВРОПСКИ ГРАД Е НАЈДОБРО ДА СЕ КУПИ СТАН? Ваква инвестиција носи многу пари
„ЦРВЕНАТА ЛИНИЈА Е ПОМИНАТА“: Новогодишната ноќ во Германија како „граѓанска војна“, се бара промена на законите
ПОБРЗО И МНОГУ ПОЛЕСНО ДО ГЕРМАНСКА ВИЗА ВО 2025: Некои ќе имаат приоритет, итно им треба нова работна сила
Милано од денес испишува историја, забрането пушење на отворено освен е-цигари
НОВА ГОДИНА: Кои се земјите кои последни ќе ја дочекаат 2025?
