ТОП 10 НАЈБОГАТИ ГРАДОВИ: Њујорк води, таму живеат 359.000 милионери и 60 милијардери
Објавено во: Свет 12 Мај, 2024
Њујорк е најбогатиот град во светот, во кој моментално живеат 359.000 милионери и 60 милијардери, покажуваат најновите истражувања на лондонската агенција „Хенли и партнерс“ и јужноафриканската фирма „Њу Ворлд Велт“ за 2024 година.
Во последните 10 години, бројот на милионери во Њујорк пораснал за 48 отсто, а нивното вкупно богатство сега е повеќе од три трилиони долари, што е повеќе од БДП на земји како Бразил, Италија или Канада, пренесува CNBC.
На второ место е Сан Франциско и целата област на заливот, каде популацијата на милионери пораснала за 82 отсто во последната деценија на 305.700, а оваа област води по бројот на милијардери, со 68.
Соединетите Американски Држави предничат по бројот на богати градови, бидејќи 11 од 50-те најбогати градови во светот се наоѓаат во таа земја.
На трето место е Токио со 298.300 милионери и 14 милијардери.
Во првите десет влегоа и Сингапур, Лондон, Лос Анџелес, Париз, Сиднеј, Хонг Конг и Пекинг.
Top 10 richest city in the world according to Henley & Partners and New World Wealth:
— Matt's Investing Journey (@KiddiesD) May 7, 2024
1. New York City
2. Bay Area, California
3. Tokyo
4. Singapore
5. London
6. Los Angeles
7. Paris
8. Sydney
9. Hong Kong
10. Beijing
New York has 359,500 Millionaires and 60 Billionaires.
Еден кинески претставник за прв пат се најде на листата на 10-те најбогати градови во светот, бидејќи бројот на милионери во Пекинг се зголеми за 90 отсто на 125.600 во последната деценија.
Француски Фигаро привлекува внимание на фактот дека во Париз и во целиот париски регион Ил де Франс се регистрирани 165.000 милионери и 23 милијардери, што теоретски значи дека секој 74 жители на таа област е милионер.
Шармот на „француската ривиера“ сè уште постои, бидејќи повеќе од 25.000 милионери, меѓу кои девет милијардери, се населиле во крајбрежниот појас меѓу Ница и градот Езе, истакнува Фигаро.
Ако ја погледнеме само Европа, на листата на најбогати градови високо котираат и Милано, Франкфурт, Цирих или Женева.
Фото: Принтскрин/Твитер