УРАГАНОТ БЕРИЛ ГО „РАЗОРУВА“ ТЕКСАС: Повеќе од 80.000 луѓе останаа без струја
Објавено во: Свет 08 Јули, 2024
Ураганот Берил,
кој засега има сила од прва категорија, денеска го погоди брегот на Тексас во
близина на плажата Матагорда, соопшти Националниот центар за урагани (NHC).
Повеќе од 84.000 жители на Тексас останаа без струја поради ураганот, јави Си-Ен-Ен.
Ураганот ќе продолжи да носи обилни дождови, силни ветрови и торнада во поголемиот дел од Источен Тексас додека се движи понатаму кон копното.
- Во делови на Тексас на сила е предупредување за опасност по живот поради ударите на ураганот - наведува NHC.
Штети од ураганот Берил во Барбадос
Најмалку 11 луѓе ги загубија животите кога ураганот Берил претходно ги погоди Карибите.
Се очекува Берил да ослабне до ниво тропска бура до утре кога се очекува да стигне до Арканзас.
EPA-EFE/CAROLINE BREHMAN