Утре и викендов очекувајте вистински горештини

Добивај вести на Viber

Последниот работен ден оваа недела ќе помине во претежно сончево време. Попладне, сосема изолиран развој на облачност која ќе има умерен потенцијал да донесе дожд се очекува во шарскиот регион. Петочното утро ќе биде топло. Минималната температура во поголем дел од низините ќе има вредност од 14 до 17 целзиусови степени.

Максималната температура ќе достигне вредности од 31°С до 33°С во котлините од источното и вардарското подрачје. Максимална околу 28°С се очекува во пелагонискиот и охрисдко-преспанскиот крај.

УВ индекс: 8.

Релативно добро време за викенд. Но, особено внимавајте на високата температура. Не е на одмет да планирате движење во планина рано наутро, а „горештините“ да гледате да ги минувате во шумски предели, пренесува МЕТЕОПРО.

САБОТА:

Генерално стабилно и сончево време. Сосема мала веројатност за локален развој на облачност околу Шара, поширокиот регион околу Солунска Глава, Осогово и околина на Ниџе. Оваа облачност нема да има голем потенцијал да произведе врнежи, но не е на одмет да се „држи на око“.

Просечна висина на 0°С изотерма на пладне: 4000 метри.

Температура на слој на воздух на 1500м на пладне:

Јужна експонираност околу 23°С, на северна страна околу 20°С.

Ветер на 1500м: Слаб југозапад.

УВ индекс: 9

НЕДЕЛА: 

Сончево време. Мал облачен развој околу Солунска Глава, но без значаен потенцијал.

Просечна висина на 0°С изотерма на пладне: 4100 метри.

Температура на слој на воздух на 1500м на пладне:

Јужна експонираност околу 23°С, на северна страна околу 20°С.

Ветер на 1500м: Слаб југозапад.

УВ индекс: 9