УЖАС ВО ГАЗА: Лекар со кујнски нож и без анестезија ампутираше нога
Објавено во: Свет 04 Јуни, 2024
Лани лекар во Газа снимил ужасна сцена. Се работи за итна ампутација на нога извршена на трпезариска маса. Лекарот немал анестезија.
За да ѝ го спаси животот на младата девојка тој морал со кујнски нож и без анестезија да ѝ ја исече ногата. Со себе имал само кофа и малку сапун.
На 19 декември 2023 година, 17-годишната Ахед Бсеисо се искачи на последниот кат од зградата недалеку од болницата Ал Шифа за да се обиде да го добие својот татко, кој живеел во Белгија, затоа што таму имало најдобар сигнал. Додека се обидувала да го добие на телефон својот татко тоа утро, забележала големи израелски тенкови на улицата и наеднаш одекнала силна експлозија.
„Слушнав тресок и ѕидот се урна врз мене. Насекаде имаше прашина и на почетокот не можев да разберам каде сум“, истакнува Ахед.
Нејзината мајка и роднините притрчале да ѝ помогнат. Успеале да ја извлечат од урнатините, но виделе дека едната нога ѝ е скршена, а другата е во уште полоша состојба.
„Го прашав вујко ми дали ногата е во ред, а тој само ми рече дека е подобро да не гледам надолу“, додала таа.
Семејството ја носело Ахед по скалите до станот, додека надвор се слушало пукање.
Вујкото, лекар, го легнал девојчето на масата во кујната и решил да изврши итна операција. Левата нога била тешко повредена, а десната потколеница на парчиња. Девојката очајно го молела својот вујко да не ѝ ја ампутира ногата, но тој знаел што ја чека. Тој морал да избере помеѓу спасување на ногата и нејзиниот живот.
Лани на 7 октомври, палестинската терористичка група Хамас го нападна Израел и војната уште трае.
фото принтскрин