Вашингтон: Крим е по руска окупација!

Добивај вести на Viber

Русите имаат целосна контрола врз Кримскиот Полуостров, потврдуваат американските власти. Американскиот ндржавен секретар Џон Кери утре ќе отпатува во Киев со цел да им изрази поддршка на новите украински власти по „окупацијата“ на Крим од Русија, соопшти официјален Вашингтон. САД најавуваат дека се подготвени да и ја дадат на Украина целата потребна финансиска поддршка за да и помогнат на нејзината економија погоден аод кризата, да заздрави. Американскиот министер за финансии Џек Лу го повика Киев да побара поддршка од ММФ, но најави дека и Вашингтон е спремен да помогне низ билатерлани програми или преку поголемите меѓународни институции. „САД се подготвени да работат со билатералните и мултилатерланите партнери во Украина за да ја понудат целата помош која ќе биде потребна“, рече Лу, додавајќи дека Вашингтон со голема загриженост ја следи ситуацијата во оваа земја и руската интервенција на Крим. Во меѓувреме, официјална Москва и натаму опстојува на ставот дека не сака војна со Украина, а својата интервенција ја оправдува со потребата за заштита на руското население на Крим. „Уверен сум дека никој во Русија не сака војна. Се спротивставуваме на користењето на таа терминологија кога се зборува за односите со Украина, која ни е исклучително блиска“, изјави рускиот помошник-министер за надворешни работи Григориј Карасин. Тој ги нападна западните земји кои се заканија дека заради интервенцијата во Киев размислуваат да ја исклучат Русија од групата осум најмоќни земји во светот - Г8.