(ВИДЕО) Ѕирнете во огромниот хотел на Хитлер во кој не престојувал никој!

Добивај вести на Viber

Протегајќи се на речиси пет километри песочна плажа на германскиот дел од Блатичкото море, на островот Руеген лежи најголемиот светски хотел со 10.000 соби, сите свртени кон морето. Но 70 години откако е изграден ниту еден посетител не отседнал во тој хотел.

Станува збор за хотелот „Prora“, огромниот комплекс на згради, кои помеѓу 1936 и 1939 година ги изградиле нацистите, како дел од нивната програма „Сила низ уживање“. Целта била да се обезбеди одмор за германските работници и да шират нацистичка пропаганда.

Комплексот се состои од осум идентични згради, кои се протегаат на повеќе од 4,5 километри, оддалечени околу 150 метри од плажата.

Три години 9000 луѓе работеле на изградбата на комплексот, а нацистите планирале изградба на четири идентични одмаралишта со кина, дворови, базени и пристаништа. Хитлеровите планови за „Proru“ биле многу амбициозни, тој сакал гигантско одмаралиште на море со 20.000 кревети. Во случај на војна целиот комплекс би можел да се претвори во воена болница.

Војната навистина се сличила и пред да биде завршена градбата а приоритетите на Хитлер се промениле, па работниците ги преместил во селото Пенемунде каде се работело на застрашувачки В ракети.

Во текот на сојузничкото бомбардрање многу луѓе од Хамбург нашле засолниште во овој комплекс, а после војната  „Prorа“ е користена како воена база за војската на источна Германија.

После обединувањето на Германија во 1990 делот од комплексот го користела Воената техничка школа, а во текот на војувањата на Балканот комплексот служел како прифаќалиште за бегалци.

Денеска местото е напуштено, во 2011 година еден блок е претворен во хостел со 400 кревети за малди, а планот е претворање на „Prorа“ во модерно одмаралиште со 300 кревети, кој ќе вклучува терени за тенис, базени и шопинг центар.