(ВИДЕО-ГАЛЕРИЈА) Атмосфера од денешниот протест пред Собрание

Добивај вести на Viber

Избувнатите вчерашни протести во главниот град ќе продолжат и вечерва. Две поворки во Скопје и Битола излегоа денес во 18  часот во знак на поддршка на семејството Нешковски.

За разлика од синоќешните протести денеска е мирно без инциденти.

Бијдеќи Владата беше опколена од сите страни и полицијата не им дозволуваше на граѓаните да „припарат“ до неа демонстрантите се упатија пред Законодавниот дом.

Александар Нешковски, брат на убиениот пред четири години Мартин Нешковски, изјави дека демонстрациите ќе продолжат секој ден во исто време, додека не бидат исполнети барањата на демонстрантите за оставка на владата.

Судирите започнаа вчера, откако опозицискиот лидер Зоран Заев обелодени аудио записи, во кои според него се слуша како премиерот Никола Груевски, шефот на разузнавањето Сашо Мијалков, Јанкулоска и други официјални лица во обид да го прикријат убиството на 22-годишниот Мартин Нешковски во 2011 година.

Демонстрантите, близу 2000, извикуваа "платеници, убијци", запалија контејнери за ѓубре и фрлаа камења врз полицајците за заштита на зградата на владата.

Безредијата продолжија речиси два часа, по што полицајците ја растераа толпата, користејќи солзавец и водени топови. Во првите редови на протестот беше и семејството на убиениот Мартин, а  луѓето биа особено лути поради тоа што полицијата го снима протестот.

Министерката за внатрешни работи на Македонија Гордана Јанкулоска соопшти дека триесет и осум полицајци и еден цивил беа повредени, а триесет демонстранти - уапсени по синоќешните судири.

Според Јанкулоска мерките на полицијата од синоќа биле легтитимни. Таа негираше дека не знаела дека мајката на Нешковски присуствувала на протестот и дека била повредена и изјави дека се уште не се разгледани сите записи од безбедносните камери.