(ВИДЕО) ГНЕВ ВО МЕКСИКО: Демонстрантите сакаа да ја запалат израелската амбасада
Објавено во: Свет 30 Мај, 2024
Пред израелската амбасада во Мексико Сити имало големи немири на протестите на пропалестински групи.
Како што објави „Тајмс оф Израел“, полицијата успеала да ги задржи демонстрантите кои се обиделе да влезат во зградата на амбасадата.
Демонстрантите носеле качулки и маски, фрлале камења и молотови коктели кон полицијата кога се обиделе да ги пробијат барикадите. Демонстрантите во еден момент се обидоа да ја запалат зградата.
Полицијата употреби солзавец за растерување на демонстрантите. Демонстрациите и судирите траеле околу два часа. Никој не е уапсен, а полицијата соопшти дека четворица полицајци и две жени се здобиле со изгореници и дека им била укажана лекарска помош.
Мексико поднесе декларација за интервенција до Меѓународниот суд на правдата како поддршка на тужбата на Јужна Африка со која Израел се обвинува за геноцид врз Палестинците во Газа.Минатиот петок Обединетите нации го повикаа Израел „веднаш да ја прекине воената офанзива во Појасот Газа“.
Лани на 7 октомври палестинската терористичка група Хамас го нападна Израел и војната уште трае. Израел сега спроведува операција во Рафа. Откако почна војната имаше и напади на Евреи и синагоги во светот.