(ВИДЕО) РЕКИ ОД ДОЖД НОСЕА СЕ ПРЕД СЕБЕ: Вака беше во Ченто

Добивај вести на Viber

Надојдена вода која носи се пред се, силен ветар и грмотевици. Вака беше во саботата во скопската населба Ченто.

Досега 22 лица настрадаа во поплавите. Најдено е телот и на малиот Иван кој е дваесет и втора жртва во водената бомба што го зафати главниот град и околината.

Телото на малиот Иван Илиев синоќа околу 20.40 часот го пронашол татко му на последната автобуска постојка со број 65 во Сингелиќ.

По извршената идентификацијата телото е предадено на семејството.

Се трага и по 16 месечно девојче Елиф Фејзула кое нејзиниот чичко вчера попладне го пријавил за исчезнато.

Во моментот на страшното невреме по обиколница со автомобил се движеле таткото и бебето. Голем воден бран почнал да го носи автомобилот по што на малото девојче му се губи трагата, а таткото починал.

Изградбата на обиколницата му пресуди на Стајковци!

Живко Велјановски е универзитетски професор на Градежен факултет на катедрата за водовод и канализација. Во изјава за „Фактор“ вели дека околу врнежите и околу количните со вода кои се настанаа со поплавите не може да зборувам, но може да зборува како се случувалo проектирањето на скопската обиколница.

„Знам дека ние, како Градежен факултет бевме ревизија на основниот проект за скопската обиколница.. Колку што се сеќавам ние професорите во нашата ревизија на основниот проект на обиколницата, баравме да се прифатат атмосферските води од над обиколницита, да не одат под патот и директно водите да се слеваат во Стајковци, туку инсистиравме да се обезбеди тие атмосферски води да не одат ниту над, ниту под патот, туку да се направи проект за да тие води се слеваат на безбедно, во Вардар.