(ВИДЕО) СЕ ВРАТИ ДОМА: Полицајка од Мариупол преживеала хорор во руско заробеништво

Добивај вести на Viber

Млада Украинка поминала 2 години во руско заробеништво. 24-годишната полицајка Маријана Чечељук од украинскиот град Мариупол по две години е ослободенa.

По почетокот на инвазијата, Маријана и нејзината помала сестра се сокриле од руското бомбардирање во челичарницата Азовстал во Мариупол. По евакуацијата на цивилите од челичарницата, сестрите се одвоени во руски филтрациски камп.

Русите, кога дознале за нејзината професија, ја однеле Маријана во истражниот затвор во Доњецк. Подоцна ја држеле во затворски логор во Оленивка, а потоа и во затворите во Таганрог и Мариупол, пишува Украинска правда.

„Се обидоа да ја намамат ќерка ми на руска страна со ветувања за голема плата и заплашување, но таа одби“, изјави мајката на Маријана, Наталија Чечељук за весникот ЗМИНА во јануари 2024 година.

Во заробеништво, Русите ја тепале и мачеле девојката. Поради условите во притворот, здравствената состојба на Маријана се влошила. Респираторните заболувања и болките во грлото прераснале во хронична форма на бронхитис.

„Маријана ослабе многу, имунолошкиот систем ѝ ослабна, косата почна да  ѝ опаѓа, а менструацијата ѝ исчезна“, раскажа нејзината мајка.

Маријана не знаела апсолутно ништо за своето семејство, дали се живи и каде се наоѓаат.

Русија и Украина деновиве разменија по 75 заробеници.  Станува збор за 70 мажи и 5 жени кои се вратени во Украина како дел од размената. Најмалку една третина од воените заробеници биле ранети, тешко болни или инвалиди. Руската инвазија на Украина почна пред повеќе од две години.