03 Јануари, 2025
0.0267

ВОНРЕДНА СОСТОЈБА: Банди ги ослободија речиси сите затвореници, воведен е полициски час на Хаити

Објавено во: Свет 04 Март, 2024

Добивај вести на Viber

Хаити прогласи 72-часовна вонредна состојба и воведе полициски час, а владата најави дека ќе започне потрага по убијци, киднапери и други насилни криминалци за кои верува дека избегале од затвор откако бандите ги ослободиле речиси сите машки затвореници. Би-Би-Си утрово.

Вооружени банди упаднаа во затвор во главниот град на Хаити, Порт-о-Пренс и ослободија голем број затвореници.Повеќето од околу 4.000 мажи затворени во главниот град побегнаа, изјави локален новинар за BBC News.

Меѓу затворениците имало и членови на бандата обвинета за убиство на претседателот Џовенел Мојс во 2021 година.

„На полицијата и е наредено да ги искористи сите средства што ѝ се на располагање за да го спроведе полицискиот час и да ги уапси сите прекршители“, рече министерот за финансии Патрик Боавер, кој ја извршуваше функцијата премиер.

Насилството во Хаити, најсиромашната земја во Америка, ескалира во последниве години, при што бандите се обидуваат да го соборат привремениот претседател Ариел Анри контролирајќи 80 отсто од Порт-о-Пренс.

Последниот бран на насилство започна во четвртокот, кога претседателот отпатува за Најроби за да разговара за доаѓањето на меѓународните безбедносни сили предводени од Кенија.

Водачот на бандата, Џими Шеризиер, рече дека ќе води координиран напад за отстранување на Анри, додавајќи дека целта на нападот била да се фатат шефот на полицијата и министрите на Хаити и да се спречи враќањето на Анри.

„Сите ние, вооружените групи во провинциските градови и вооружените групи во главниот град, сме обединети“, рече поранешниот полицаец за кој се верува дека стои зад неколку масакри во главниот град, пренесе Би-би-си.

Во бранот вооружени напади загинаа четворица полицајци, а петмина беа ранети. Француската амбасада на Хаити советуваше да не се патува во главниот град и неговата околина.

Полицискиот синдикат на Хаити побара помош од војската за обезбедување на затворот, но нивниот штаб беше нападнат доцна навечер во саботата.

Арнел Реми, адвокат за човекови права, чија непрофитна организација работи во затворот, објави на X дека помалку од 100 од скоро 4.000 затвореници остануваат зад решетки.

„Јас бев единствениот кој остана во ќелијата“, изјави за Ројтерс неидентификуван затвореник.

Од атентатот на претседателот Мојс во 2021 година, насилството е во пораст на Хаити. Неговиот наследник се уште не е избран, а избори не се одржани од 2016 година.

Според политичкиот договор, требаше да се одржат избори и Анри требаше да се повлече до 7 февруари, но тоа не се случи.

ОН објавија во јануари дека минатата година повеќе од 8.400 луѓе биле жртви на групно насилство на Хаити, вклучувајќи убиства, повреди и киднапирања, што е двојно повеќе од бројот регистриран во 2022 година.

Вонредна состојба на Хаити: Банди ги ослободија речиси сите затвореници, воведен е полициски час

Фото:Принтскрин/АП

Можеби ќе ве интересира

ЏИНПИНГ: Никој не може да го спречи „повторното обединување“ на Кина со Тајван

ЏИНПИНГ: Никој не може да го спречи „повторното обединување“ на Кина со Тајван

ПОЧНАЛ ДА СЕ ГУШИ: Имало обид за труење на Асад во Москва?

ПОЧНАЛ ДА СЕ ГУШИ: Имало обид за труење на Асад во Москва?

УКРАИНА РАКЕТИРАШЕ СЕЛО ВО КУРСК: Оштетен е и важен објект

УКРАИНА РАКЕТИРАШЕ СЕЛО ВО КУРСК: Оштетен е и важен објект

НА ЖЕЛЕЗНИЧКА СТАНИЦА ВО ИТАЛИЈА: Бездомник од Македонија е пронајден мртов

НА ЖЕЛЕЗНИЧКА СТАНИЦА ВО ИТАЛИЈА: Бездомник од Македонија е пронајден мртов

Русија влегува во пресметка со мигрантите: Новите мерки ја ограничуваат слободата, бракот и сопственоста

Русија влегува во пресметка со мигрантите: Новите мерки ја ограничуваат слободата, бракот и сопственоста

ВО КОЈ ЕВРОПСКИ ГРАД Е НАЈДОБРО ДА СЕ КУПИ СТАН? Ваква инвестиција носи многу пари

ВО КОЈ ЕВРОПСКИ ГРАД Е НАЈДОБРО ДА СЕ КУПИ СТАН? Ваква инвестиција носи многу пари

„ЦРВЕНАТА ЛИНИЈА Е ПОМИНАТА“: Новогодишната ноќ во Германија како „граѓанска војна“, се бара промена на законите

„ЦРВЕНАТА ЛИНИЈА Е ПОМИНАТА“: Новогодишната ноќ во Германија како „граѓанска војна“, се бара промена на законите

ПОБРЗО И МНОГУ ПОЛЕСНО ДО ГЕРМАНСКА ВИЗА ВО 2025: Некои ќе имаат приоритет, итно им треба нова работна сила

ПОБРЗО И МНОГУ ПОЛЕСНО ДО ГЕРМАНСКА ВИЗА ВО 2025: Некои ќе имаат приоритет, итно им треба нова работна сила

Зошто Гренланд му е интересен на Трамп?

Зошто Гренланд му е интересен на Трамп?