Делегацијата на ЕУ и амбасадата на САД резервирани за Законот за рестриктивни мерки
Објавено во: Македонија 29 Јануари, 2024
Делегацијата на ЕУ и амбасадата на САД се резервирани по однос на владиниот предлог на Закон за рестриктивни мерки,со кој треба да се санкционираат лицата од Македонија кои ќе се најдат на црните листи, објави МКД.
„ЕУ немаше можност детално да го испита предлогот за ова прашање. Како и секогаш, ЕУ ќе го разгледа секој таков законски проект од перспектива на усогласување со ЕУ и меѓународните стандарди“, се вели во коментарот на Делегацијата на ЕУ во Македонија.
Од амбасадата на САД во Македонија пак засега биле воздржани во однос на овие измени затоа што се уште се во фаза на предлог.
Министерството за правда останува на негативното мислење за предложениот Законот за рестриктивни мерки од страна на Владата, по усвојувањето и испраќањето во Собранието на предлогот со кој ќе подлежат на санкции лицата кои ќе се најдат на американската и британската црна листа во Македонија.