ЏАФЕРИ: Јас немам комплекс со што доаѓам на работа, дали со „мерцедес“ или со приватно возило
Објавено во: Македонија 29 Јануари, 2024
Техничкиот премиер Талат Џафери рече дека не му претставува проблем со какво возило ќе оди на работа.
„Јас немам комплекс со што доаѓам на работа, дали со „мерцедес“ или со приватно возило“, изјави премиерот на преодната Влада, Талат Џафери, кој денеска ја презеде функцијата од досегашниот премиер Димитар Ковачевски.
Тој дента кога беше избран во Собранието, пристигна во своето родно село Форино со службен „мерцедес“ и со полициско обезбедување.
Новиот премиер кажа дека Владата има компетенции и одговорности според Уставот и законите.
Собранието вчера со 65 гласа „за“ и тројца „против“ ја изгласа техничката влада со која ќе раководи Талат Џафери. На седница присуствуваа 111 пратеници. Пратениците на ВМРО-ДПМНЕ се воздржаа од гласањето за техничката влада.