ЕДС и ГЕН-И шампиони во продажба на струја на слободен пазар
Објавено во: Економија 08 Јули, 2019
ЕДС Скопје и ГЕН-И се компаниите кои оствариле највисока сума на приходи во своите категории на либерализирана продажба, односно едниот тргувајќи со малите и големите потрошувачи, а другиот на слободниот пазарот на големо.
Во првиот сегмент ЕДС Скопје има пријавено приход од 72,9 милиони евра и е на првото место меѓу конкурентите, држејќи го половина од пазарот формиран од 42 снабдувачи или трговци евидентирани од страна на Регулаторната комсија за енергетика, додека ГЕН-И доминира кај вториот со 56,96 милиони евра.
Продажбата под пазарни услови генерирала вкупен приход од 322 милиони евра минатата година.