ФАКТОР НА ДЕНОТ: Кошта вели дека е разумно Македонија да добие гаранции дека нема да има нови барања

Добивај вести на Viber

КОШТА ВЕЛИ ДЕКА Е РАЗУМНО МАКЕДОНИЈА ДА ДОБИЕ ГАРАНЦИИ

Претседателот на Европскиот совет Антонио Кошта по средбата со бугарскиот премиер Росен Жељазков во Софија изјави дека е разумно Македонија да добие гаранции дека нема да има нови барања на европскиот пат. 

„Северна Македонија долго време работи на овој процес. Го разбирам нивното негодување. Тие го сменија Уставот, го сменија знамето, го сменија и името на земјата и секако очекуваат да се конкретизира пристапувањето. Но, она што е одобрено е одобрено, она што е договорено е договорено и тие мора да го спроведат“, додаде Кошта. 

Претседателот на Движењето ЗНАМ за наша Македонија,  Максим Димитриевски и официјално е кандидат за градоначалник за Куманово, а за Центар партијата го предложи Мирослав Лабудовиќ, заменик министер за енергетика, рударство и минерални суровини.

„Движењето ЗНАМ - За наша Македонија започнува ново поглавје во своето политички делување. Нашите претставници во локалната самоуправа покажаа како вистински се управува со општините“, изјави портпаролот на ЗНАМ Никола Мемов. 

Левица денес ги објави кандидатите за градоначалници на скопските општини на локалните избори,откако претходно веќе соопшти дека пратеникот Амар Мециновиќ ќе се грка за татко на Град Скопје.

Кандидат за Градоначалник на Општина Кисела Вода е проф. д-р Јане Ацевски, поранешен декан на Шумарскиот факултет при Универзитетот „Св. Кирил и Методиј“ во Скопје, актуелен раководител на Катедрата за ботаника и дендрологија.

Кандидат за Градоначалник на Општина Ѓорче Петров е адвокат Александар Димитријевиќ, сопственик на позната адвокатска канцеларија и координатор на Трудов сектор на Политичка Партија Левица.

ВАСЕВ НЕ ЧУВСТВУВА ВИНА ЗА СЛУЧАЈОТ ОНКОЛОГИЈА

Поранешниот директор на Клиниката за онкологија Никола Васев, кој заедно со уште тројца онколози е обвинет за несовесно лекување пациенти денеска пред Основниот кривичен суд Скопје рече дека не се чувствува за виновен.

- Не, апсолутно не - одговори Васев, на прашање од Судот дали се чувствува виновен за кривичните дела кои му се ставаат на товар.

ПОДНЕСЕНО Е ОБВИНЕНИЕ ЗА АЛЕКСАНДАР НАЦЕВ ЗА ПОЖАРОТ ВО „ПУЛС“

Обвинителството информира дека е поднесено обвинение против безбедњакот Александар Нацев како реален сопственик на „Рубикон Секјурити“ која го обезбедувала диското „Пулс“ во кое при пожар загинаа 62 главно млади лица.

Професорот во јуни беше уапсен како дел од истрагата за пожарот во кочанакста дискотека Пулс. Тој беше осомничен за тешки дела против општата сигурност бидејќи истрагата утврдила дека е вистински и реален сопственик на агенцијата за обезбедување Рубикон која беше на вратите и го обезбедуваше објектот за време на пожарот на 16-ти март.

ЧИТАЈТЕ УШТЕ

Новата независна ревизија за работењето на агенцијата за конфискување објави дека хартиите од вредност запленети од поранешниот шеф на тајната полиција во сметководството се уште се прикажуваат по нивната почетна номинална вредност, без да има нивно ново вреднување.