ФАКТОР НА ДЕНОТ: Мицкоски бара смена на Коцевски, но и судење за Пулс без политичко влијание

Добивај вести на Viber

МИЦКОСКИ БАРА СМЕНА НА ЉУПЧО КОЦЕВСКИ

Премиерот Христијан Мицкоски во интервју за Телма изјави дека Владата не е задоволна од работата на Судскиот совет и од актуелниот обвинител, Љупчо Коцевски.

„Ние не сме задоволни како Влада од работата на овој Судски совет и на овој обвинител и тоа е наше право да не бидеме задоволни“, рече Мицкоски.

Премиерот додаде дека по завршувањето на целиот процес, следува смена на обвинителот.

Тој исто така додаде дека граѓаните акламативно мислат дека Коцевски не си ја врши својата работа доволно добро, а буџетот кој го добиваат е поголем од 75 отсто од земјите на ЕУ.

МУЦУНСКИ ВЕЛИ ДЕКА НИШТО НЕ Е ПУШТЕНО ВО СОФИЈА ЗА ОДОБРУВАЊЕ

Владата секогаш ќе стои во заштита на македонскиот јазик, идентитет и историја, порача денеска министерот за надворешни работи и надворешна трговија Тимчо Муцунски, во одговор на прашање од пратеникот Реџеп Исмаил за заклучоците од работата на Мешовитата комисија заобразовни историски прашања со Бугарија.

Муцунски во одговорот рече дека можеби е случајност „координираниот напад кон него од бугарскиот копретседавач со Комисијата Ангел Димитров и пратеникот“.

СЕЛА ИМА ТРИ УСЛОВИ ЗА ВЛЕЗ ВО ВЛАДАТА

Лидерот на дел од Алијансата за Албанците, Зијадин Села постави три услови под кои би станал дел од владата. Тој за ТВ Шења вели дека за тој да биде дел од владата на Мицокски, треба да бидат исполнети следните услови – уставните измени и деблокада на процесот на интеграција во ЕУ, замена на формулацијата „20%“ со „албански јазик“ во Уставот и Уставниот суд да одлучува со Бадентеровиот принцип.

ЧИТАЈТЕ УШТЕ

Станбено-деловните градби и градбите за колективно домување, кои ќе се изведуваат на локалитети и подрачја на кои постои техничка можност за приклучок на системот за дистрибуција на топлинска енергија, задолжително се проектираат и изведуваат со целокупната термотехничка инсталација на системот за централно греење.

Премиерот Христијан Мицкоски многу порано од своите претходници се соочува со предизвикот да направи сериозна владина реконструкција за да ја одржи кондицијата на владеење на посакуваното ниво и да покаже пред електоратот дека резултатите се возможни, само потребно е повеќе време и соодветни кадри на вистинските позиции.

Домашниот градежен гигант „Гранит“ е првата компанија која сама го објави своето име и добиената сума како апикант за финансиски средства од унгарскиот кредит.

Од агенциите за посредување при вработување, велат дека иако има различни ситуации, сепак најголем дел од апликантите, успеваат да ја исполнат својата цел и од прва заминуваат во странство. 

Трите лифтови во Вила Водно и еден од двата во Вилја Билјана во Охрид се во дефект, покажуваат информациите кои во тендерската постапка за барање на сервисери ги доставила владината Служба за општи и заеднички работи.