ФАКТОР НА ДЕНОТ: Властите уверуваат дека состојбата во Трубарево е под целосна контрола

Добивај вести на Viber

ВЛАСТИТЕ ВЕЛАТ ДЕКА СОСТОЈБАТА ВО ТРУБАРЕВО Е ЦЕЛОСНО ПОД КОНТРОЛА

Надлежните институции информираа дека екипи биле на терен од првиот момент, презеле соодветни мерки и редовно ја известувале јавноста. Опожареното место е затрупано со песок за да се спречи понатамошно тлеење на опасни материи. Очекувањата се официјалните лабораториски резултати да бидат достапни до петок.

Првичните резултати од мерењето на гасовите во воздухот од примероци земени на денот на пожарот во компанијата Ф-Групација во Трубарево покажуваат зголемување на сите параметри од два до трипати од дозволеното, а јаглерод моноксидот чија просечна вредност не треба да надминува 10 mg/m3, била 300 mg/m3.

ДВОЈНО УБИСТВО И САМОУБИСТВО СЕ СЛУЧИ ВО ВЕЛЕС

Полицијата потврди дека маж денеска во Велес ги убил поранешната партнерка и нејзиниот татко, па се самоубил. 

Според полицијата, во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско лице со повреди од остар предмет. 

ЌЕ СЕ ЗАТВОРИ ДЕПОНИЈАТА ВО НИКУШТАК

Министерот за животна средина и просторно планирање, Изет Меџити, денеска донесе одлука за затворање на  депонијата за отпад во селото Никуштак, Општина Липково.

Меџити посочува дека оваа мерка е донесена со цел заштита на животната средина, животот и здравјето на граѓаните, бидејќи постоечката локација за отстранување на комунален отпад во Никуштак не ги исполнува еколошките стандарди.

„Одлуката е донесена во согласност со законот за државна администрација и законот за животна средина, почитувајќи го принципот на висок степен на заштита и превенција од штетни последици. Наредбата стапува на сила веднаш“, се вели во соопштението.

ЧИТАЈТЕ УШТЕ

Поранешниот министер за транспорт и врски Миле Јанакиески стана еден од сопствениците на градежниот конзорциум Смарт Инвест Гроуп, кој обединува неколку познати градежни инвеститори од пелагонискиот регион во изградбата на станбени комплекси.

Дел од младите, но и пензионерите во Македонија собираат бобинки од модра смрека и ги продаваат. Во овој период, во тек е откупот. Ова е шанса за заработка за луѓето кои собираат шумски плодови. Искусните берачи можат солидно да заработат. Од фирмите кои откупуваат шумски плодови,  велат дека Македонија е навистина богата со лековити растенија, билки, овошки.

Фирмата „Еуромак-Контрол“, соработник на повеќе државни институции треба да ги даде резултатите, што содржел воздухот во саботата, кога гореше електронскиот отпад и пластика во просториите на „Ф-Групација“ во Трубарево, чиј пожар предизвика страв кај граѓаните, што дишеме по огнот и силната миризба која ја почувствуваа сите во Скопје. 

Пред локалните избори кои ќе се одржат за еден месец веќе се создава атмосфера дека се е познато и дека нема потреба ни од кампањи ни од дебати бидејќи опозициската СДСМ ја очекува нов тежок пораз, по кој ќе биде доведено во прашање нејзиното опстојување како партија. Но, секогаш во државата најголемите „глупости“ се случувале кога сме имале апсолутна власт, а слаба опозиција.

Градоначалничката на Скопје, Данела Арсовска не се појавила на местата каде гореа депонии низ Скопје од различни причини.  Во изјава за Фактор, а на прашањето зошто ја немаше додека гореа депонии во градот чиј градоначалник е таа, вели дека дивата депонија Вардариште ја исчистила нејзината администрација. Трубарево пак, не било под надлежност на Скопје.