ФОТО: ХАОС ВО ГРЦИЈА: Поплавите однесоа жртви – повеќе села се отсечени
Објавено во: Балкан 07 Септември, 2016
Повеќе од три лица се удавија во поплавите што го погодија југоисточниот дел на Пелопонез во Грција.
Едно лице се води како исчезнато. Жена на возраст од 62 години, која имала проблеми со одењето е пронајдена мртва во нејзината куќа во селото Пидима, во близина на Каламата, а 80-годишен маж загинал во селото Туриа. Нема детали за третата жртва. Од автомобилите се извадени 24 луѓе кои биле „заглавени“ кај Солун. Граѓаните коментираат дека вакво невреме не виделе. Во поплавите се удавиле и десетици животни.
Повеќе села се отсечени и недостапни поради поплавените патишта. Локалните власти побараа од Владата да прогласи вонредна состојба во областа. Нивото на водата во некои делови достигнало два метри.
Невремето кое вчера попладне ја зафати Грција предизвика големи проблеми во целата земја. Обилните дождови во центарот и источните делови од Волос поплавија улици и ги прекинаа телефонските линии неколку часа. Струја нема во Анаврос, Неа Димитриада, Астериа, Агриа, Лехониа и во села јужно од Пилио.
Во градот Пиргос, противпожарната бригада добила околу 150 повици за поплавени подруми и простории, како и за паднати дрва на патишта. И противпожарната скужба во Солун примила десетици повици за поплавени куќи и објекти во повеќе делови од градот.