Добивај вести на Viber
Пратеникот Игор Јанушев денеска објави дека Апелациониот суд правосилно ја поништил одлуката на Апелационен суд од 7 септември на две години затвор условно за пропусти при набавката на кинеските автобуси во случајот на поранешното СЈО познат како „Дизајн“.
Како што објави поранешниот директор на ЈСП, од денеска е слободен граѓанин по завршување на предметот кој траеше седум години.
Јанушев беше директор на ЈСП во 2010 година кога беше направена набавката на двокатните автобуси.
Во случајот имаше и други обвинети, кои претходно се спогодија со обвинителството и исто така добија условни казни.
„После долги 7 години мое лично соочување со политички прогон и малтретирање од страна на т.н. независно или "како пупка отворено" обвинителство и судство, пред мене имам чисто досие. Во овој момент, после сите нивни сценарија кои пропаднаа, јас гордо можам да кажам дека повторно сум слободен граѓанин на Република Македонија!
Сите овие години одлучив да молчам додека тие зборуваа невистини, а да зборувам кога тие ќе молчат пред вистината и правдата! За овој монтиран случај против мене, во интерес на јавноста ќе го споделам следното“, соопшти пратеникот на ВМРО-ДПМНЕ.
Јанушев приложи и потврда дека како член на комисијата за јавни набавки, како што вели тој, со неговото бодување им овозможил на две компании меѓусебно да си конкурираат со цените, односно не фаворизирал, според него, ниту една од нив.