Јован Деспотовски нема да се жали на одлуката на судот за да покаже дека е достапен
Објавено во: Македонија 29 Декември, 2024
Поранешниот директор на Дирекцијата за ТИРЗ и кандидат за претседател на СДСМ, Јован Деспотовски, во изјава во вестите на Сител рече дека нема да се жали на одлуката на Кривичниот суд да му одреди мерки на претпазливост, за да покаже, како што вели, дека е достапен пред правдата во секое време.
Основниот Кривичен суд го прифати предлогот на Јавното обвинителство и на Деспотовски му определи мерки на претпазливост со одземање на патната исправа и повремено јавување во судот.
Деспотовски денеска вели дека не се чувствува виновен и дека сите контроли покажале дека совесно ја извршувал својата функција.- Сме биле подложни на надворешна ревизија, контрола на работењето постоела секогаш. Јас очекувам дека сите овие ревизорски извештаи ќе бидат земени во предвид, бидејќи ниту еден не укажува на сериозни нерегуларности, тврди Деспотовски.
Според медиумски пласирани информации, тој е на тапет поради тендер од пред неколку години за изградба на слободните индустриски зони во Штип и Струмица.
Можеби ќе ве интересира
Трагедија во Струмица: Го загуби животот од греалка
Градоначалничката Арсовска го посети првороденото бебе во 2025
Приведени 33 лица за Нова година, сообраќајки без фатални последици
Кога се сака, се може: Од денеска кавадарчани на скијање на Кожуф
Од денеска само со нови возачки дозволи и регистарски таблички
Тинејџер се стекна со траен инвалидитет по пукната петарда на новогодишната ноќ
ФАКТОР НА ДЕНОТ: За 2025 година политичарите ветија подобар живот за граѓаните
