КРИВИЧЕН ГИ ПРИФАТИ БАРАЊАТА НА ОБВИНИТЕЛОТ: Мерки за претпазливост за Васев и Нухи

Добивај вести на Viber

На поранешните директори на Клиниката за онкологија и радиологија Нино Васев и Нехат Нухи, Кривичниот суд им одреди мерки за претпазливост на барање на обвинителот. 

Како што соопштуваат од Кривичен суд на Васев и Нухи им е издадена мерка забрана за напуштање на домот, но и одземен пасошот

- Судија на претходна постапка при Основниот кривичен суд Скопје, постапувајќи по предлог за определување мерки за претпазливост на Основното јавно обвинителство – Скопје против две лица, кои утрово беа спроведени во судот, а поврзани со случајот „Онкологија“, по ценење на фактите изнесени од странките во однос на предлогот донесе решенија со кои:  

Се прифаќа предлогот и на Н.В. му се опредлуваат мерки за претпазливост по чл. 146 ст.1, т. 1,2,3 и 7 од ЗКП односно Забрана за напуштање на живеалиштето односно престојувалиштето, Обврска за јавување на службено лице во судот, Одземање на патна исправа и забрана за издавње нова и Забрана за преземање определени работни активности поврзани со кривичното дело.

На Н.Н. му се определуваат мерки за претпазливост по чл. 146 ст.1, т. 1,2 и 3 од ЗКП односно Забрана за напуштање на живеалиштето односно престојувалиштето, Обврска за јавување на службено лице во судот, Одземање на патна исправа и забрана за издавње нова.
Против овие решенија странките имаат право на жалба пред кривичниот совет на овој суд во рок од три дена по приемот на решението - посочуваат од Кривичен суд.