ТОШКОВСКИ: Во делот дека врз основа на пријателска врска сум предложен, го имам приложено моето CV
Објавено во: Македонија 29 Јануари, 2024
Министерот за внатрешни работи, Панче Тошковски вечерва во 360 Степени изјави дека ќе се заложи за фер избори.
Кажа дека е предложен за министер поради своето искуство, а не поради пријателството со лидерот на партијата, Христијан Мицкоски. Вели дека партијата има квалитетни кадри и секако дека имало и други лица кои можеле да се најдат на таа позиција.
„Во делот дека врз основа на пријателска врска сум предложен, го имам приложено моето CV“, кажа тој.
Рече дека она што го зборуваат опонентите, доволно говори за нив, а не за него. За правото во земјата кажа дека е дерогирано.