ФАКТОР НА ДЕНОТ: МВР најавува дека налепниците НМК ќе бидат бесплатни, a се размислува и за рефундација на пасошите
Објавено во: Македонија 02 Февруари, 2024
НАЛЕПНИЦИТЕ „НМК“ ЌЕ БИДАТ БЕСПЛАТНИ
Граѓаните нема да ги плаќаат налепниците „НМК“ за промена на регистарските таблички.
Лепенките со „НМК“ за промена на регистарските ознаки ќе бидат бесплатни. Министерството за внатрешни работи(МВР) од својот буџет ќе одвои пари за нив.
Но, на десетина дена пред истекување на крајниот рок за промена на личните документи, налепниците не се стигнати. Казни за оние кои нема да успеат да ги променат своите регистарски ознаки нема да има, но нема да може ниту да ја напуштат државата.СЕ РАЗМИСЛУВА ЗА РЕФУНДАЦИЈА ЗА ПАСОШИТЕ
Се разгледува можноста државата да компензира за тие кои имаат важечки пасоши, а заради договорот треба да ги сменат, вели министерот за надворешни работи, Бујар Османи.
Османи кажа дека од 12 февруари патните документи со старото име нема да важат. За граѓаните кои треба да се вратат во државата, а не ги смениле документите, тој напомена дека треба да бидат во комуникација со дипломатско конзуларните претставништва, преку кои ќе бидат упатени за понатамошна постапка. Тој нагласи дека се гледа и можноста за рефундација.ШТРАЈК ВО ФОНДОТ ЗА ЗДРАВСТВО
Синдикалната организација на Синдикатот на УПОЗ при Фондот за здравствено осигурување ја известува јавноста дека од понеделник, 5 февруари, стапува во штрајк.
Ќе ги извршуваат само нужните и неопходните работи.
„Сакаме да ја известиме јавноста дека сите подрачни единици на ФЗО ќе штрајкуваат и ќе ги извршуваат само нужните и неопходни работни задачи и тоа: пријава на малолетно лице како член во осигурување; регулирање на осигурување за хоспитализирано лице; лекување во странство за итни случаи, а само еден вработен во подрачните единици ќе биде задолжен за прием на документи“, се вели во соопштението од Синдикатот на УПОЗ.ЧИТАЈТЕ УШТЕ
Можеби ќе ве интересира
ДОЖДОТ НЕМА ДА ПРЕСТАНЕ ВИКЕНДОВ, ТЕТОВО НАЈПОГОДЕНО: Ова се сцените од синоќа
ФАКТОР НА ДЕНОТ: Поплави во Тетово, во Босна има и жртви
КОМИСИЈАТА ЗА ЗАШТИТА ОД ДИСКРИМИНАЦИЈА УТВРДИ: Приватен универзитет не постапил правилно со тоа што отпуштил шест жени Македонки
ОЈО: Koсовец го пресекол патот на полицајци, правел маневри и овозможил камион да побегне
„МОРА И ВЕНКО НЕШТО ДА КАЖЕ“: Се огласи Мицкоски за понудата на Филипче
ОБВИНЕТИОТ БОРЕ ВИДЕВСКИ НА НЕФРОЛОГИЈА ПОРАДИ ВЛОШЕНО ЗДРАВЈЕ: Одложено судењето за убиството на Вања и Панче
ПОЛОВИНА ОД МЕДИЦИНСКИОТ КАДАР НА ДОГОВОР ДОБИВА ТРАЈНА РАБОТА: Таравари ветува решение за долгогодишниот проблем
„НИКОГАШ НЕ ПОБЕДИЛ НА НАТПРЕВАР И НА ИЗБОРИ, А СЕКОГАШ Е ШАМПИОН И НА ВЛАСТ“ - новинарот Фуркан Салиу за Мендух Тачи
