ФАКТОР НА ДЕНОТ: Владата го повлече Законот за рестриктивните мерки за корумпирани политичари што се на црните листи
Објавено во: Македонија 01 Февруари, 2024
ВЛАДАТА ГО ПОВЛЕЧЕ ЗАКОНОТ ЗА РЕСТРИКТИВНИ МЕРКИ
Владата го повлеклa Законот за рестриктивни мерки, со кој требаше да се санкционираат лицата кои ќе се најдат на американската и британската црна листа, објави ТВ Сител.
Наводно овој закон не му се допаѓал на новиот технички премиер Талат Џафери, кој имал искажан негативен став упте додека беше претседател на Собранието.
Законот беше пишуван по иницијатива на министерот за надворешни работи Бујар Османи, но наиде на негативно мислење од Министерство за правда.СТЕВАНОВИЌ ИМАЛА СЕРТИФИКАТ
Министерот за здравство Фатмир Меџити конечно ја обелодени причината за смена на директорката на Клиниката за инфективни и фебрилни болести, д-р Милена Стевановиќ. Изјави дека документацијата не и била комплетна, односно дека и истекол сертификатот за познавање на англиски јазик
„Не е разрешена директорката, ниту пак и беше истечен мандатот, мислам дека е до април. Дректорката сама си објавила конкурс за мандат и ние во министерството ја прегледувавме документацијата и утврдивме дека има истечен сертификат за јазици. Имаше двајца кандидати и ние го одбравме тој што беше со комплетна документација“, изјави Меџити.ЃОРЃЕ ДАВИД ЕДНАШ МЕСЕЧНО ЌЕ СЕ ЈАВУВА ВО СУДОТ ВО КУМАНОВО
Српскиот пејач Ѓорѓе Давид еднаш месечно ќе се јавува во судот во Куманово.
Српскиот државјанин кој учествуваше во сообраќајната несреќа во близина на граничниот премин Табановце ќе се јавува еднаш во месецот во Основен суд Куманово, соопштија за МИА од судот. Нему му се вратени пасошот и личната карта.
Тој треба да се јавува секој 15-ти во месецот. Доколку 15 е неработен треба да се јави наредниот работен ден.ЧИТАЈТЕ УШТЕ
Берзанскиот ден вчера го означиле, меѓу другото, блок трансакции со акциите на „Макпетрол“.