Добивај вести на Viber
Месечната плата на Ангела Меркел изнесува околу 17.000 евра. Сепак овој износ за Пер Штајнбрик,кандидат на опозициската СПД за канцелар на следните избори е навистина премалку.
-Во Германија канцеларите, односно, канцеларката заработува премалку: во однос на многу други професии во кои не мора ниту толку да се работи ниту да се има толкава одговорност. На пример во Северна Рајна Вестфалија речиси секој директор на банка заработува повеќе од канцеларката, изјави Штајнбрик во разговорот за весникот „Франкфуртер Алгемајне Зонтагсцајтунг"
Меркел моментално зема месечни примања 16.085,91 евра. Во мај годинава владата донесе одлука за зголемување на нејзината плата и тоа од јануари 2013. за 200 евра. Понатамошни зголемувања се планирани од март и август следната година. На оваа сума треба да и‘ се додаде и сумата од 8.000 евра за разни додатоци.