Од 2 јануари Гетеборг ќе наплаќа патарини

Добивај вести на Viber

На низа места во потесното градско подрачје на Гетеборг се инсталирани дигитални наплатни станици кои ќе бидат ставени во функција од 2 јануари 2013 година.

Тоа значи дека сите кои со своите автомобили ќе возат во Гетеборг ќе плаќаат патарини.  Такви патарини од пред неколку години се веќе воведени во шведската престолнина Стокхолм, а сега ќе профункционираат и во Гетеборг,  вториот по големина урбан центар во Шведска.

 - Во Стокхолм сообраќајот во централните градски делови е намален за 15 до 18 проценти, вели Ева Росамн од шведската Сообраќајна управа.

Од патарините ќе бидат ослободени автобуси, полициските возила, пожарникарските и други возила со сини светла, како и возилата со странски регистарски таблички. Цената на патарините ќе варира во зависнот од периодот на денот кога ќе се минува крај наплатните станици, но максималната такса за еднодневно возење ќе изнедува 60 шведски круни (околу 7 евра).

Но, многумина граѓани на Гетеборг се незадоволни од воведувањето на патарините и сакаат референдумско изјансување во врска со ова прашање. Досега се собрани потписи од 45.000 граѓани, а што е повеќе од 10 отсто од жителите на општина Гетеборг кои што ги ставиле своите потписи на протестната лист, колку што е неопходно за Општинското собрание да го разгледа барањето за референдум.