Добивај вести на Viber
Денеска стапува на сила „Фискалниот пакт” на Европската унија, договорен со цел да ја спаси Унијата од должничката криза
„Правилото за балансирање на буџетот” во март лани , 25 од 27 членки на ЕУ го прифатија, што значи дека буџетските дефицити веќе да не бидат прекумерни, односно ќе биде елиминирана причината што доведе до должничка криза која дури и се закани на евровалутата.
„Фискалниот пакт“ подразбира казни за државите кои ќе ги прекршат правилата и нема да го ограничат јавниот долг и дефицитот. Надзорот на спроведување на пактот ќе го врши ЕУ.
Британскиот премиер Дејвид Камерон одби да го потпише договорот, затоа што тој значи дека Брисел ќе се меша во клучното право на една земја да ги одредува даночните правила и приоритетите на потрошувачката.