Добивај вести на Viber
Лидерот на Алијанса за Албанците, Арбен Таравари, се сретна со доскорешниот премиер Димитар Ковачевски во седиштето на СДСМ.
Од СДСМ известија дека коалициските партнери од владата меѓудругото разговарале и за политиките кои значат исполнување на стратешката цел на земјата за членството во ЕУ и партнерството со САД.
Партијата на Таравари е коалиционен партнер со партијата на Ковачевски во владеачкото мнозинство. Сепак Таравари изминатите денови го посети премиерот на Косово, Албин Курти, заедно со Изет Меџити, Билал Касами и Африм Гаши - претседателите на партиите Демократско движење,БЕСА и Алтернатива.
„Наши заеднички цели на коишто посветено работиме како политичари и коалициски партнери се продолжување на европскиот пат до полноправно членство во ЕУ и јакнење на стратешкото партнерство со САД. Тоа е наша обврска кон сите граѓани и кон иднината на државата затоа што Северна Македонија нема друга алтернатива освен европскиот пат“, објави СДСМ.
Од оваа партија се уште немаат одлучено дали ќе оди со заеднички листи со ДУИ и Алијанса на парламентарните избори во мај.