ФАКТОР НА ДЕНОТ: Ахмети не планира да се повлече, вели дека не изгубил избори

Добивај вести на Viber

АЛИ АХМЕТИ  НЕ ПЛАНИРА ДА СЕ ПОВЛЕЧЕ

Претседателот на ДУИ, Али Ахмети вели дека не изгубил избори за да се повлече од функцијата.

Тој рече дека дека коалицијата НАИ, која ја предводи ДУИ освоиле 114.076 гласви и со тоа 159 советници, а коалицијата „Вреди“ дека освоила 91.000 со 122 советници.

За другите политички партии тој смета дека воделе кампања со националистички карактер.

ИЈЗ ИЗЛЕЗЕ СО ПРЕПОРАКИ ЗА ГРАЃАНИТЕ

Епидемиолошката состојба во Скопје е стабилна, но се препорачува одржување на лична хигиена при ракување со отпад како што е користење на ракавици, маска, миење раце, дезинфициенс, совесно одлагање на отпадот во контејнери и избегнување на нелегални депонии како и затворање на капаците на кантите и избегнување физички контакт со отпадот и исцедокот.

ВРЕДИ ПОРАЧА ЖИТЕЛИТЕ НА КИЧЕВО САМО ДА ОДЛУЧАТ ЗА КОГО ЌЕ ГЛАСААТ

Политиката градена 20 години со самозадоволство, измама и ароганција се урна на 19 октомври како кула од карти. Победите на ВРЕДИ во Чаир, Сарај, Арачиново, Желино, Теарце и убедливото водство во Тетово, Боговиње, Дебар, Струга, Брвеница и Долнени се јасниот одговор на Албанците на ПР-трикот „референдум“ што го трубеше мачното трио Ахмети-Таравари-Села со месеци, се вели во соопштението од Вреди.

НЕЗАВИСЕН КАНДИДАТ ЗА ГРАДОНАЧАЛНИК ВО МОГИЛА СЕ ПОВЛЕЧЕ

Независниот кандидат за градоначалник на Општина Могила, Сашо Пивковски, денеска објави дека се повлекува од изборната трка, со што нов градоначалник ќе биде Драганчо Саботковски од коалицијата „ТВОЈА МАКЕДОНИЈА“ предводена од ВМРО-ДПМНЕ.

Во првиот изборен круг, одржан на 18 октомври, Саботковски освои 1.662 гласа, додека Пивковски доби 1.253. Пивковски во својата изјава посочи дека одлуката не била лесна, но е донесена по „внимателно размислување и разговори со граѓаните“.

ВЕНКО КРСТЕВСКИ СЕ ИЗВИНИ НА СЕМЕЈСТВОТО НА ДНК

Кандидатот за градоначалник на Кочани, Венко Крстевски, преку видео обраќање јавно се извини на фамилијата и пријателите на починатиот член на дуото ДНК, Владимир Блажев - Панчо. Тој призна дека погрешил, но дека изјавата била дадена искрено, без зла намера.

Крстевски изјави дека дал „искрен одговор“ и вели дека секој може да згреши додавајќи дека неговите гревови се „само една капка во морето“. Во пораката нагласи дека сега е време за обединување и повика сите Кочанчани заедно да се посветат на подобра иднина.

ЧИТАЈТЕ УШТЕ

Просечната месечна нето плата во „Македонски навигации“, која своето финансирање го обезбедува главно од наплата на прелети, достигнала речиси 3.000 евра во текот на минатата година, покажува новообјавената завршна сметка и извештајот за работењето во 2024.

Некогашниот тетовски трговски гигант ТЕТЕКС АД Тетово продолжува да остварува позитивни финансиски резултати, покажуваат податоците од најновиот финансиски извештај за изминатите девет месеци.

Компанијата АД Мода Свети Никола, која важи за една од најуспешните текстилни компании во Македонија, по долги години успешна приказна и континуиран извоз во Германија, сега се бори со намалени порачки.

„Лукоил Македонија“ во одговор испратен до „Фактор“ вели дека компанијата работи тековно без пречки во увозот и во малопродажбата на горивата, по санкциите наметнати од САД.

Во Македонија сѐ уште има луѓе кои не говорат англиски јазик, но и не се особено вешти во работата со компјутери, што ги ограничува на пазарот на трудот да најдат подобро работно место.