САД и Русија - на работ да стават крај на соработката за Сирија?

Добивај вести на Viber

Американскиот Стејт департмент засега не прецизира кога може да се прекине соработката со Русија по прашањето за Сирија. 

Портпаролот на Стејт департментот Џон Кирби гo потврди ова на регуларниот брифинг. Тој додаде дека вчерашните и денешните зборови за подготвеност за прекин на соработка "не се празни закани". 

„Ние продолжуваме да сме сериозно загрижени за она што се случува во Алепо, за неисполнувањето на Женевските аранжмани за прекин на соработката со Русија, ако дојде до тоа“, рече дипломатот.

Тој потврди дека државниот секретар на САД Џон Кери разговарал во четвртокот наутро со рускиот колега Сергеј Лавров за настаните во Сирија. Кирби потврди дека новите чекори на Русија „за спроведување на постигнатите договори“ ќе бидат поздравени од САД. 

Реализацијата на заканата на Вашингтон за прекин на соработката со Русија за Сирија ќе биде најдобар подарок за терористите. Тоа го напиша на страната на Facebook портпаролот на Министерството за надворешни работи Марија Захарова. 

„Ако зборуваме за „подарок за терористите“, тогаш ова, се разбира, ќе биде за Джебхат ал Нусра и „умерената опозиција“ , испораката на хуманитарна помош за екстремистите и бомбардирањето против сириската армија, кои се борат против  „Исламска држава“. 

Но најубаиот од подароците ќе биде одбивањето на Вашингтон за соработка со Русија за решавање на сирискиот проблем и ако заканата на Вашингтон за престанок на интеракцијата прерасне во решение, тоа нема да има повеќе сомнежи - Белата куќа ги има екстремистите под крилото и за терористите ќе настапи голем празник.