СИТЕ МУ СЕ ПЛАШАТ: Западот го прогласи Путин за „железниот човек“ во 2015!
Објавено во: Свет 27 Декември, 2015
Во почетокот на 2015 година странските политичари за претседателот на Русија Владимир Путин говореа како за противник на Западот и „злобниот човек“ како оние од филмовите на Џејмс Бонд, но во текот на годината околностите се променија па сега признаваат дека Путин е силен водач и го сметаат за главен борец против тероризмот, пишува аналитичар на британскиот весник Дејли експрес.
Годината за рускиот претседател почна со најнапнати односи со Западот од времето на Студената војна-пишува аналитичарот.
Путин го обвинуваа за инвазија на Украина, рушење на малезискиот „боинг“ над Доњецк, за упад на руските воени авиони во британскиот воздушен простор и за политички убиства.
Руското министерство за надворешни работи повеќе пати ги демантираше ваквите обвинувања со што во западните медиуми било сфатено како антизападна позиција.
Но се случи нешто поради што меѓународното сфаќање на Путин се сврте за 180 степени. Во последните неколку месеци спротивставувањето на „железниот човек“ на “терористичката организација ДАЕШ (така наречена Исламска држава) му донесе мнозинство следбеници-пишува аналитичарот.
Тој наведува дека од моментот кога Руската Федерација почнала своја кампања за уништување на ДАЕШ , односот кон Русија многу се променил.
-И навистина, во ноември стариот противник на Русија -САД - објавија договор на Барак Обама и Владимир Путин за политичка транзиција која може да стави крај на граѓанската војна во Сирија. Сега Путин, човекот на кој Западот му се плаши и не го прифаќаше, го слушаат и западните лидери и обичните луѓе-наведува аналитичарот.